【金像獎】黃秋生揭唔收錢拍《淪落人》原因 三度稱帝 遺憾亡母未能見證

第38屆香港電影金像獎頒獎典禮，昨晚圓滿結束。今屆最佳男主角嘅競爭可謂相當激烈，5位入圍者都係資深演員、好戲之人，最後由《淪落人》嘅黃秋生奪下。黃秋生喺上屆影帝古天樂手上接過最佳男主角寶座，佢搞笑地指：「好榮幸可以喺新一代電影大亨手上攞到依個獎！」接住就逐一向各個單位致謝。黃秋生首先感謝了《淪落人》團隊，包括陳小娟、陳果、女主角Crisel Consunji。然後又多謝老闆楊受成，黃秋生指，多得楊生，佢先可以唔收錢拍呢套電影，仲表示冇收錢拍戲拎到影帝，係好心有好報。最後，佢更喺台上多謝亡母，指媽媽喺生命最後階段，教識咗佢好重要嘅嘢，要活得開心，皆因生活好短促。

{{hket:inline-image name="231112.jpg"}}{{/hket:inline-image}}

{{hket:inline-image name="310.jpg"}}{{/hket:inline-image}}

黃秋生喺戲中係一位半身不遂，坐住輪椅嘅失婚漢。呢個角色並冇肢體語言，單係靠個頭嚟演戲，真係唔容易。第三度稱帝嘅黃秋生，其實喺《淪落人》未正式上畫時，已經憑住呢個角色屢次獲獎，如香港電影評論學會大獎最佳男主角、香港電影導演會大獎最佳男主角，今次再下一城奪得金像獎最佳男主角，絕對係實致名歸。

{{hket:inline-image name="5-1553162851.jpg"}}{{/hket:inline-image}}

由於《淪落人》嘅製作費有限，所以黃秋生今次係零片酬演出。佢坦言，睇完劇本並冇令佢感動得流淚，但內容通順合理，而且電影以菲律賓人嘅角度出發，佢認為香港早已應該要有依種題材嘅電影，再加上導演誠意十足，所以就決定接拍。而喺戲中坐住輪椅，要工人照顧嘅黃秋生，就話感受好深，因媽媽生前患上肌肉萎縮，多年嚟都要坐輪椅及由工人照顧，所以自己完全感受到媽媽及角色嘅痛苦。黃秋生直言冇諗過《淪落人》反應會咁好，甚至令佢能夠奪得多個獎項，不過最遺憾係媽媽睇唔到自己攞獎。

{{hket:inline-image name="_2018102219384934269.jpg"}}{{/hket:inline-image}}