在香港講「上車」談何容易，本地住宅一向以極高呎價見稱，當人人無法負擔樓價，公屋隊伍唯有愈排愈長。不過以同樣租金、同樣人工、同樣身分，在其餘3個國家卻可以住得好好。最近ViuTV就邀請曾鈺成、梁國雄、黃秋生、林一峰、林二汶及盤菜瑩子擔任節目《人住公屋我住公屋》主持，分別前往日本、新加坡、丹麥，了解世界各地的公屋政策，實地考察，落足心機。不少身為「樓奴」的網民睇完感慨萬分，又讚節目夠寫實貼地，原來對比起劏房毫無格局的壓榨環境，別的國家簡直是豪宅，有良心得多！
1. 丹麥
平均面積：850平方呎
租金：大約7000港元
雖然丹麥首都哥本哈根的租金比香港貴，不過因為丹麥人覺得公屋不是低下階層的選擇，而是所有人的宜居地方，所以特別邀請設計師專門設計，甚至曾奪得2018年丹麥建築師協會的「LILLE ARNE」獎項。屋內環境寬敞，有開放式廚房、小花園，連黃秋生見到咁靚都忍不住嬲到話丹麥人有良心良知，反而香港人就賺到盡，令全港有近21萬人住在平均居住空間不到48平方英呎的劏房：「呢間屋起咗20萬元，賣俾你唔會係200萬元……唔會將價錢推到死亡邊緣，整間屋叫做納米樓100呎，你瞓得入去好瞓啦衰仔，你仲要俾錢。相反你問返香港人『點解你咁貴？』，佢100個理由話你聽，香港一層一層壓落嚟，大家一齊共同去搶劫」。
2. 日本
平均面積：900呎
租金：大約8200港元
原來日本人都很抗拒公屋，寧願住公寓大廈，所以現在政府為了吸引租客大搞都市復興，邀請無印良品與宜家家居合作搞簡約風設計，公屋經過管理維修後又靚又新，而且是兩房兩廳，有多個休憩窒，露台都大過香港人的床位，同區有幼稚園、BB車泊位，為家庭諗好晒。雖然距離新宿約40分鐘車程，但其實對日本人來說車程不算長，租金1萬元樓下。至於另一個700呎單位，三房一廳已包露台，月租亦只約1萬港元。
3. 新加坡
平均面積：1640呎
購入價：大約362萬港元
而令人最驚訝就是新加坡公屋，當地公屋政策很完善，原來當地有一樣嘢叫組屋，面積可達1640呎，難怪曾鈺成參觀完都話香港已經無得比：「（新加坡）今日唔單只話有瓦遮頭嘅問題，已經係要滿足到老百姓居住嘅素質、要求越嚟越高嘅問題，而且諗到好多有關鄰里問題。我哋香港如果仲喺度拗無人要瞓街、係咪有瓦遮頭、政府無責任幫你買樓等等，我覺得即係差咗幾個年代囉。」梁國雄：「如果人生剩係得返解決住嘅問題，仲衰過人生剩係住。而家香港就係人生只係解決住嘅問題，人哋解決咗喇。」