鄭志剛辦環保論壇 籲珍愛地球由兒童出發

全球氣候危機迫在眉睫，黛安知道，新世界發展執行副主席兼總經理鄭志剛（Adrian）創立嘅非牟利機構Culture For Tomorrow，早前主辦咗「可持續發展論壇2020」，邀請咗唔少國際重量級人物出席，包括有「港版通貝里」之稱嘅10歲環保小鬥士劉衍一（Lance），一齊交流點樣減排減廢。

Adrian話，愈來愈多地方都有極端天氣出現，我哋呢代人需要同下一代攜手，由改變思維出發，與唔同界別嘅環保變革者共同行動。

今次論壇其中一個亮點，就係讀緊英華小學嘅Lance，早前佢發起「Fridays for Future Movement」運動，逢星期五朝早佢都會喺學校門口舉牌宣揚環保，又向同學講解氣候危機，呼籲同學少用塑膠用品等。Adrian都被呢位環保勇士嘅熱誠打動，之後會安排Lance喺尖沙咀K11 MUSEA內嘅Nature Discovery Park，舉辦以小朋友同家長為對象嘅環保講座，希望向更多人灌輸愛惜地球嘅概念！