K11購物藝術館 辦首個PlayArt手作市集

藝術創作一向多元化，近年唔少藝術家都希望推廣「藝術融入生活」嘅概念，黛安知道，一直積極推廣當代藝術的K11購物藝術館，喺今個星期六（18日）至2月29日將會舉辦《NEW YEAR NEW HEIGHT》幻彩新年藝術展，除咗展示德國藝術家Katharina Grosse嘅經典作品《陳列室》，亦會邀請多名本地藝術家，一同合辦全港首個「玩樂藝術」嘅新春市集，喺周末仲會舉辦麻將、霓虹揮春等工作坊，等大家可以將藝術帶返屋企欣賞。

另外，K11購物藝術館喺今日（17日）起一連三日，亦會舉辦全港首個PlayArt手作市集，有多個本地設計師同手作品牌參與，由新春應節禮品、服飾、手工肥皂等都一應俱全，同場仲設有手工啤酒售賣。

黛安提提大家，每個工作坊同藝術展都可以收集蓋章，集齊5個就可以換領新春福袋，當中包括︰K11 Art Lab Kele索繩袋、K11 Art Lab Kele彩色木顏色筆、被譽為「西班牙奈良美智」的西班牙新晉藝術家Okoume Cosmic Girl精品等，千祈唔好錯過喇！