7-Eleven再聯乘Sanrio 換限量立體玻璃樽

黛安自小就係Hello Kitty迷，最鍾意儲Kitty精品，所以噚日接到7-Eleven嘅好姊妹通知，今日開始有Hello Kitty玻璃樽換，即刻開心到瞓唔着。

大家睇下旁邊張相，係咪覺得好靚呢？今次7-Eleven推出嘅Sanrio characters限量版立體公仔玻璃樽，總共有3個款式，除咗Hello Kitty之外，仲有My Melody同布甸狗，黛安最鍾意佢哋圓咕碌嘅造型，好似喺玻璃樽探頭望出去咁，呆萌樣子令人愛不釋手！

黛安聽姊妹講，每款玻璃樽仲附帶一隻對應款式圖案嘅珪藻土匙羮。點解會用珪藻土呢種物料？事關佢有吸濕防霉功效，有咗佢喺樽入面，無論你放乾果或調味料，都唔怕受潮啦，非常貼心呀！但係要留意，個樽唔適合放喺冰格，亦唔可以盛載50度以上嘅熱水，大家使用時記得錫住佢，唔好令佢受傷喔。呢套立體玻璃樽今日（15日）朝早7點開始喺7-Eleven有得換喇，想帶佢哋返屋企，就記住儲印花啦！