「陳校長免費補習天地」 全港賣旗助基層兒童

常說「知識可以改變命運」，由陳葒校長創立嘅「陳校長免費補習天地」，為基層學生免費提供一對一補習服務同學習支援，至今已為逾1.4萬名學生成功配對導師。黛安知道，「陳校長免費補習天地」喺今年4月11日會舉辦首個全港賣旗日，現時開始招募義工，黛安都諗住去幫手呀。

陳葒校長一直支持「教育平等」理念，除咗補習服務及學習支援，佢喺2013年仲為基層兒童增設免費學前教育及才藝訓練班，參加人數達到6,000人次。陳校長同黛安講，首個賣旗日籌得嘅善款會用嚟招募義師、為義師提供培訓等，真係好有意義。

佢哋希望招募約5,000名義工參與各區賣旗活動，如果有興趣成為賣旗日嘅義工，可以喺2月29日或之前填妥並提交報名表，除了做賣旗義工，公眾亦可捐款支持「陳校長免費補習天地」推動「教育平等」嘅工作，想了解報名詳情或佢哋補習社工作，可以瀏覽以下網址https://www.principalchan.org/flagday。