新春送特色賀禮 健康果汁禮盒 型格咖啡套裝

農曆新年就快到，除咗朱古力、曲奇等傳統禮盒外，今年黛安就想搞搞新意思，決定揀啲有特色嘅賀年禮物送畀親朋好友！

聽公關姊妹講，香港果汁品牌公司Bless最近推出咗「真‧果汁賀年禮盒」，當中包括時令限定「大桔大利」同「柑銀滿屋」賀年果汁系列，應節又有意頭！

另外，仲有由真‧黑加侖子同紅莓冷壓而成嘅「夢幻黑加侖」及「夢幻紅莓」；以及Bless嘅王牌，「您的排毒專家Dr. Detox」系列，幫大家保持健康。

唔同組合嘅禮盒套裝，每套由188元至238元不等，變相低至88折就買到！現在凡購買果汁賀年禮盒或6支優惠裝，仲送埋利市封1套。大家可以去https://www.blessbalance.com/訂購。

另外，Pacific Coffee亦推出咗一系列「柑」玉滿堂推廣飲品，包括蜜柑朱古力牛奶咖啡及蜜柑牛奶咖啡。

黛安知道，Pacific Coffee趁住新年仲推出咗「吱足常樂咖啡券套裝」，只售128元，套裝包括3張標準裝18/25 Altura手調咖啡券，更可憑券得到高達50元會員卡儲值金額回贈及現金券，總值超過180元㗎，送畀親友或工作夥伴做賀年禮物都唔錯啊！