逾千善長夥700隻狗狗 齊為愛協步行籌善款

踏入新一年，當然要做多啲善事啦。希爾思同香港愛護動物協會（愛協）噚日就喺香港迪士尼樂園度假區，舉行咗第34屆「全城狗狗行善日」，黛安知道有超過1,200位善長同700隻狗狗組隊參加，身體力行為有需要嘅動物進行步行籌款。

提起救助動物，唔少人都會諗起愛協；事實上喺2018至2019年度，愛協用喺動物福利及支援服務上嘅支出共超過4,800萬元，其中經佢哋拯救同處理嘅受傷或受困動物逾4,400隻；受資助絕育嘅貓狗亦超過15,000隻；而經由協會獲成功領養嘅動物就超過1,800隻，非常難得。

黛安知道，愛協將喺青衣興建大型動物福利及教育中心，會有先進嘅動物診所及醫院等設施，大家記得繼續支持呀。