幸福感，只關乎錢銀？

1星期前

Can you feel the love tonight？

坐在香港亞洲博覽館欣賞音樂劇《The Lion King》（獅子王），一聽到這首主題曲響起，不期然想起上世紀的我一個人去了London，一個人夜晚走去睇musicals，第一次朝見《Lion King》。那時剛出來工作，盤川有限，只好買平價飛坐山頂，跟小獅子辛巴相距無限遠，究竟睇咗啲咩呀我？

2019亞洲巡迴香港站演出，有緣再見，坐得很前，現場音樂演奏高手就在咫尺之間，舞台製作及角色演出都可以更細緻地欣賞得到，果然是經典之作。只是啊，還是很懷念當年「窮開心」的我，一切都很新奇新鮮，一切都想要睇想要知，雖然不似現在的小朋友咁幸福，細細個已坐B Class四圍飛，但當年咁辛苦儲錢去見識個世界，那一份熱切、渴望，還有滿足過後的喜悅，真係無價，回想起都感到好幸福！

7天前

睇show前，先去了場館內新開的「澐‧NUVA」中菜廳用膳，有雲有水，180度海天一色和你Lunch，飛機就在眼前準備降落，如此景觀只此一家！枱上有來自台灣的《行雲流水》藝術擺設，好有意境好unique；牆上就有加拿大藝術家Peter Yuill的幾何綫條作品系列，與每道精緻菜式相互映照，視覺和味覺都大滿足！最愛其冰鎮趣脆咕嚕肉，品酒師Gordon特意配上德國的Riesling，更清新清甜；好厚身好濃味的鮑汁蝦子扣關東遼參，就襯帶少少酸味的法國Domaine Faiveley紅酒；接近尾聲竟然有一小碗「黯然銷魂飯」，熱辣辣又熟腍的叉燒和初生蛋，太美味喇！

大家掛住傾掛住食，差啲遲了入場睇《Lion King》，好彩場館就在樓下，行快幾步就趕到！

貪玩貪靚貪飲貪食貪新鮮，能夠持續stay curious stay hungry，這也是一種幸福。

（本欄逢周二刊登）