郭羨妮（Sonija）昨日（4日）獲香港開電視邀請，出席升學教育講座。提到7歲囡囡Kylie近日的學習進度，Sonija受訪時都不禁唉聲嘆氣，非常無奈，完全道出香港媽媽的痛苦。Sonija囡囡正是就讀自己的母校天神嘉諾撒學校，是傳統名校，可以「一條龍」升中，不過功課壓力較大，她說：「我自己當年讀都辛苦，依家要顧埋佢就真係好吃力，有時佢做功課手腳慢，我就容易會發脾氣。所以舊年一年級尾，我就帶佢去補習，等人哋去教佢，免傷母女感情。」
相關新聞：郭羨妮20年後再拍《尋秦記》 網民急召江華：唔好問我啦
（圖片：香港開電視提供）
（圖片：香港開電視提供）
（圖片：香港開電視提供）
Sonija稱囡囡的功課愈來愈深，教她時難免有情緒，她做到好辛苦就狂喊，自己要忍住情緒，只能匿在廁所喊。她說：「之前全香港學校停課，學校就會趕進度，每日成7、8樣功課，仲有2課測驗要溫，佢做到夜晚11點幾都未做完，真係冇辦法，我惟有教佢點樣盡快完成，如果等佢慢慢諗答案，我諗佢真係唔使瞓！測驗都冇溫，應該都唔會好成績。」
Sonija當年考完A-level（高考文憑試）就飛到加拿大升學，她直言有意為囡囡安排後路，她說：「其實做父母都係想仔女開心，見佢做得咁辛苦，真係好陰公。我本來想退休時就返加拿大，依家可能計劃早少少去，等個女可以去嗰邊讀書。不過暫時佢好鍾意依家間學校，唔捨得走。」
（圖片：郭羨妮IG）
（圖片：郭羨妮微博）
（圖片：郭羨妮微博）
（圖片：郭羨妮IG）
其實Sonija絕對是廿四孝媽媽，多年來一直照顧住囡囡，特別是老公朱少傑大多數時間在內地工作，Sonija幾乎是獨力湊住囡囡成長。之前住得比較遠，囡囡返學、放學都花好長時間搭車，她更為囡囡搬到市區。
以往囡囡的功課都是由Sonija教，至她拍攝《尋秦記》電影時經常要往返內地，她才決定放手交給補習老師跟進Kylie的功課。不過她還是不完全放心，特別為囡囡準備溫書的東西，希望可以有助囡囡學習。Sonija說：「個女最鍾意跳舞，依家有畀佢跳舞，點都要留一樣嘢畀佢玩。不過學校要求要學一樣樂器，之後可能都要再學返鋼琴。」
（圖片：郭羨妮微博）
撰文：楊安莉