古天樂開拍《尋秦記》電影版 原班人馬演出獨欠一人...

2001年播出嘅劇集《尋秦記》，簡直可以話係TVB嘅神劇之一，仲係唔少人嘅經典回憶。雖然已經重播過兩次，但觀眾仍然睇極唔厭。而當年作為男主角嘅古天樂，其實早已有意拍攝電影版。後來開咗個人電影公司，古天樂就表明會買下版權，開拍《尋秦記》電影版。直至上年，終於宣布落實開拍，並由古天樂、林峯及宣萱擔任主角。

{{hket:inline-image name="TUNGSTAR6169270.jpg"}}{{/hket:inline-image}}

(Tungstar)

幾位主角「齊腳」，聽到都興奮！但大家當然都好關心其他配角有冇份喇，話晒咁難得可以開拍電影版，梗係想原班人馬，原汁原味！今日，古天樂同宣萱、林峯、郭羨妮、雪兒及滕麗名等演員，近乎原班人馬現身發布會，惟獨欠江華一人。

{{hket:inline-image name="TUNGSTAR6169260.jpg"}}{{/hket:inline-image}}

(Tungstar)

想當年，江華飾演嘅連晉／嫪毐深入民心，一開始對主人巨鹿候忠心耿耿，點知畀項少龍誤廢右手，兼被逐出巨鹿候府，後來又遇到左手劍客嫪毐，經過一輪忍辱負重後，終學成左手劍法，仲將真嘅嫪毐殺死。所以話，江華真係絕對係劇中嘅靈魂人物之一。

{{hket:inline-image name="3o19000335p9sq041o7r.jpg"}}{{/hket:inline-image}}

(TVB電視截圖)

不過好可惜，江華自2013年演完《鳳舞香羅》後就淡出幕前，轉行做保險，未有復出拍劇嘅打算。其實江華早前接受《晴報》訪問時，亦已表明過唔會翻拍《尋秦記》：「我覺得一部電視劇或者電影可以成日人哋心目中嘅經典已經好勁，唔需要再拍過。以演員角度睇，20年前同20年後今日仲要拍同一個角色，究竟想表達啲咩？但從商業角度睇，大家都咁鍾意，係有追看性嘅。」照咁講，睇嚟各位觀眾無緣喺電影版《尋秦記》中見到江華嘅蹤影喇。

{{hket:inline-image name="11_600.jpg"}}{{/hket:inline-image}}

而今次由古天樂開拍嘅電影版，主要係講19年後秦始皇統一六國後嘅故事，當中項少龍同烏廷芳更有個19歲嘅囝囝。另外，林峯仲喺發布會上表示，今次《尋秦記》電影版絕對唔係重拍劇集版咁簡單，真係耐人尋味呀！

{{hket:inline-image name="5D4_9371.JPG"}}{{/hket:inline-image}}