麥當勞新品登場 惹味麥炸雞夠Juicy

黛安噚日經過麥當勞，見佢哋新出咗全新麥炸雞系列，金黃色嘅脆皮睇落好吸引，黛安當然唔執輸，即刻幫大家試食。呢個全新麥炸雞系列有雞錘同雞上脾，食落口啖啖肉，脆口得嚟仲好Juicy，味道辣辣哋更惹味，食多幾件都唔覺得膩。

聽公關姊妹介紹，原來呢個全新麥炸雞系列用咗微辣惹味嘅調味醃製而成。炸之前會先將雞肉放入特別添置嘅高效保濕蒸箱預熱2個鐘，利用恒溫科技鎖住肉汁，唔怪之得啲雞肉咁嫩滑啦。

而每件炸雞都用咗源自馬來西亞優質植物油炸2分鐘，等啲雞肉外皮夠脆，肉質又唔會老，製作方法一流！

鍾意食炸雞或者想嘗鮮嘅朋友，即日起到130間指定麥當勞就買到呢個全新麥炸雞系列喇。佢哋除咗推出1件單售及2件裝超值套餐外，仲有6件裝超值套餐，有3件雞錘配3件雞上髀，方便大家同親朋好友開心share。

如果攞埋至「脆」限定優惠劵去買就更抵，大家可憑麥當勞App內嘅換領券購買全新麥炸雞超值套餐、加大超值套餐及大大啖套餐，可即減3元，買全新麥炸雞一桶更可以減8元！

聽講今次麥當勞團隊係經過多個月嘅產品測試，喺餐廳收集顧客意見，知道脆香雞翼嘅味道最得大家歡心，所以利用脆香雞翼獨特香辣惹味配方研製呢個系列產品㗎。咁照顧大家口味，仲整得咁好食，各位快啲約埋親朋好友一齊嚟個「炸雞之約」啦。想知道邊間麥當勞有得食，可以瀏覽呢個網址https://bit.ly/2QVqAfZ。