一田購物優惠日開鑼 eShop千款優惠掃筍貨

一田購物優惠日又嚟喇，黛安聽公關姊妹講，一田購物優惠日eShop會率先喺即日起至11月12號開鑼，今年仲加強網上陣容，貨物選擇由300款大增至近1,000款，全部2折起，就算唔出門都可以掃到筍貨！

掃貨之前梗係要讀下攻略啦。公關姊妹話，今次eShop除咗每次必搶嘅人氣卡通新品，仲新增三大每日必搶主題，嚴選逾50款低至2折搶手貨驚喜發售，包括必搶嘅MAMBINO ORGANICS嬰幼兒天然護膚套裝、逾50款國際知名美肌化粧品牌組合，好似雪花秀、Shiseido、Benefit等，仲有家中清潔好物DYSON V10無綫吸塵機等筍貨，讓大家可以喺網上輕鬆搶購部分限量發售貨品，認真貼心。

黛安已經mark實幾樣必入筍貨喇，包括星期五嘅DYSON V10無綫吸塵機，原價4,980元，依家6折後減至2,999元，仲有ZWILLING TWIN NOVA 20cm嘅深燒鍋，14折後只需199元，用來孝敬媽咪就啱晒啦。

各位精明消費者要留意，用指定信用卡仲可享高達5%即時折扣，多簽多賞。購物前記得下載YATA-Fans手機App，並於下單前連結一田eShop帳戶，網購每滿1元賺1分，仲推出eShop限定星期三3倍積分優惠。另外，為咗方便各位輕鬆網購，只需35元就有順豐送貨或者順豐站自取服務，免搬、免迫、免排隊。如果想自取，都可以選擇免費到沙田、大埔、荃灣和北角新分店取貨。大家快啲去入貨啦。