張繼聰在社交平台上載2條短片，是他小時候為奶粉品牌拍攝的電視廣告，一句「15樓養嘅牛牛」勾起大家的共同回憶，阿聰留言說：「記得當年拍完依輯廣告，d（啲）哥哥姐姐送咗成套腰包俾（畀）我，同埋打後好多年，我都俾（畀）人叫我做牛牛。估唔到31年之後，可以再為同一個品牌拍廣告，感覺好夢幻。」阿聰不少好友都留言讚好，姜文杰留言說：「這個細路潛能無限！」、「個女仔宜（依）家系（喺）邊！」
阿聰細個好可愛。(圖片：網上截圖)
阿聰細個個樣同依家囝囝張瞻一樣樣。(圖片：網上截圖)
經典廣告對白「住15樓養嘅牛牛」。(圖片：網上截圖)
人仔細細已經咁多表情。(圖片：網上截圖)
「OMG! 呢個廣告令我細個時相信15樓真係有隻雀巢牛牛！」
「一直唔明點解係15樓？ 又唔係20、13樓。」
「OMG!!! 原來當年的男孩是你!!! Unbelievable!!! 世事呢啲野真係好神奇。童年回憶!!! 期待你的30年後代言廣告。」
相關新聞：張繼聰一個月怒減10磅 飽住瘦 再見肉面飛龍 另類增肌減磅法
不少網友留言追問「表妹」的下落。（網上截圖）
其實張繼聰8歲就出道做童星，由於口多多不停口講說話，父母就帶他參加香港電台的小演員招募活動，結果即時被錄取，獲安排接拍香港電台電視部的劇集演出，當中包括《陽光下的孩子》、《香江歲月》、《CYC家族》等。爸爸當時忙於返內地工作，媽媽又要照顧弟弟，只有8歲的張繼聰就學會自己搭車由粉嶺去九龍塘廣播道拍攝。阿聰笑言：「當年港台成個大廈都係遊樂場，我同黃寶龍、唐寧、何靈靈、梁俊傑等一班童星一齊拍，大家唔同年紀但高度又差唔多。當年基本上一放學就去港台，化妝間就好似我哋圖書館一樣，畀我哋溫書同做功課。」後來阿聰升中踏入青春期，決定暫別幕前工作，投入校園生活，但畢業後都離不開表演，除了參與學校話劇表演外，阿聰更考入演藝學院一展所長。
相關新聞：與謝安琪攜手捱過9年緋聞狙擊 張繼聰印證錫老婆會發達
張繼聰第一次拍《香江歲月》。(圖片：網上截圖)
在《CYC家族》中，認識不少同年紀的童星。(圖片：網上截圖)
張繼聰細個同杜德偉合照，依家攬住張瞻，都無咩違和感。(圖片：張繼聰IG）
大個佬喇，再攬多次，不過杜德偉真係咁多年都冇咩點變。(圖片：張繼聰IG）
阿聰後來以歌手入行，近年主力電視劇和電影演出，可謂做老本行。工作之餘，他經常在社交平台分享跟一對仔女的互動。餅印囝囝張瞻已經12歲，很會照顧只得2歲的妹妹張靖，經常拉埋妹妹一齊開直播，有次仲直播妹妹屙臭臭，叫網民一齊為她集氣加油，非常搞笑，相信他的幽默感都是遺傳自爸爸。而阿聰跟太太謝安琪多年來受盡負面新聞攻擊，兩公婆都一齊攜手面對，經常公開放閃，成為令人羨幕的一對。
張繼聰和謝安琪一家4口非常幸福。(圖片：張繼聰IG）
阿聰近年變身住家男，提起子女時都會露出慈父的笑容。（圖片：東星娛樂）
阿聰同個女玩假髮，非常投入。(圖片：張繼聰IG）
撰文：楊安莉