張繼聰一個月怒減10磅 飽住瘦 再見肉面飛龍 另類增肌減磅法

張繼聰近年迷上健身，不時喺IG分享做Gym心得，而佢亦一洗昔日被恥笑為「排骨男」嘅稱號，成為「大隻佬」代表。不過阿聰呢條健身路行得並不容易，因為本身唔夠力，做唔到足夠重量訓練，練唔到大隻。所以佢要先增磅，等身體積儲脂肪，再練肌肉，為咗增肥，阿聰仲試過受盡恥笑，畀人嘲笑佢肥到無頸。近排張繼聰健身終於進入新階段，可以開始減磅，佢好興奮喺IG分享成果，短短一個月，佢已經減咗10磅，仲要係飽住瘦。睇返對比圖，今年4月頭同而家，張繼聰塊面尖咗好多，啲五官又突岀，真係好勁呀！

{{hket:inline-image name="57267842_353127011992497_7393419242483940505_n.jpg"}}{{/hket:inline-image}}

（張繼聰講笑以前嘅佢係「肉面飛龍」，IG圖片）

{{hket:inline-image name="58604299_461524141259862_864706658177724871_n.jpg"}}{{/hket:inline-image}}

（張繼聰IG圖片）

減磅容易增肌難，不過張繼聰呢一個月減磅，一刻都無餓過，仲要食唔晒啲嘢，佢話：「帶氧運動都唔算做得好激烈，每次只係行跑步機50分鐘」但需要注意唔好減磅太快，會令珍貴嘅肌肉流失，張繼聰又稱：「要減少脂肪，同時要避免縮水，即係肌肉流失，真係充滿技術同學問⋯」見到佢咁減法，亦有網友留言質疑，問佢點解唔用HIIT（高強度間歇訓練），咁先可以消脂，又消肌慢啲。而張繼聰就答佢：「HIIT 係另一種訓練模式同方向，我嘅情況比較需要重量訓練。」

{{hket:inline-image name="jiii.jpg"}}{{/hket:inline-image}}

（阿女食雪糕，張繼聰有得睇無得食，IG圖片）

呢啲懷疑嘅聲音自張繼聰開始健身，就一直無停止過，因為佢行嘅係另一條路，同其他人唔同嘅練大隻方法。阿聰早前亦特地喺IG寫文解釋近兩年健身心路歷程：「為咗増加力氣，要夠膽食，身體一定會積儲脂肪，外人一定會覺得你走樣，你得唔得？我話得，因為我就係一個唔怕走出 comfort zone 嘅人。結果，依兩年，最多俾人問嘅就係你係咪冇做運動？點解你咁肥？陰公，其實我進行訓練嘅程度係從來未試過咁甘。有幾次係片場，仲比人笑我肥到冇頸，不過，我一d都冇怯過，反而仲成日暗喜，因為練得咁辛苦，人地完全唔覺我有改變咪仲大劑？」

{{hket:inline-image name="56595625_168363800830947_1560303965520740280_n.jpg"}}{{/hket:inline-image}}

（2016年同現在嘅對比，IG圖片）

就算畀人笑，張繼聰都唔介意，佢好清楚自己做緊乜，佢話：「好相信一樣嘢，要行同人地唔同嘅路，一定會聽到好多唔同嘅聲音，唔好介意，繼續行好自己嘅路，因為從Day 1 開始，我就係要同人地唔同，又唔係傷害別人，點解唔盡力做 the best version of yourself?」阿聰加油，你嘅堅持大家都有目共睹！其實每個人都有適合自己嘅健身方式，最緊要係搵到同堅持做落去！

{{hket:inline-image name="54206359_405507576955450_5210374808339357788_n.jpg"}}{{/hket:inline-image}}

(IG圖片）

{{hket:inline-image name="49656671_2000057133410023_1083125099924703169_n.jpg"}}{{/hket:inline-image}}

(IG圖片）