用AlipayHK繳費 收集「愛心」助捐款

電子支付愈嚟愈流行，仲可以做埋善事！黛安知道，AlipayHK日前正式啟動「生活繳費傳關愛百萬大轉贈」慈善捐贈活動，首次結合電子繳費科技同愛心轉贈，將繳費變成善款，集合全港用戶嘅愛心同力量，以後你嘅「一點」繳費即可向社區傳達關懷，好有心！

由即日起至10月19日，用戶只要透過AlipayHK嘅「繳費服務」功能，成功交完電費、煤氣費等費用後，即可獲一個「愛心源點」，然後就可以決定將佢轉贈畀心儀嘅慈善機構。到活動完結後，AlipayHK就會根據所收集到嘅「愛心源點」總量，按照相關機制決定捐款金額，受惠慈善機構將按收到「愛心源點」嘅比例，分享這筆慈善捐款，捐贈總金額最高多達100萬㗎。

以後大家用AlipayHK繳費，方便之餘仲可以做埋善事，絕對係一舉兩得啦！