屈臣氏Prenetics合作 提供一站式健康諮詢

都市人愈嚟愈注重健康，最近黛安聽公關姊妹講，屈臣氏同基因測試及數碼化醫療保健公司Prenetics合作推出咗一個全面嘅健康基因檢測套裝—Circle DNA。只需要一滴口水樣本，就可以幫用家提供包括20個範疇、超過500個報告，仲送埋免費個人化健康諮詢。

姊妹話畀黛安知，Prenetics嘅技術可以分析影響到健康嘅所有變異，準確度仲高達99.9%！基因測試可以了解自己嘅飲食同健康指向；如果喺懷孕前或懷孕初期，仲可以透過基因檢測了解下一代嘅健康風險；一般人亦可用基因檢測早啲了解患癌同常見疾病嘅風險等。

黛安知道，Circle DNA有手機App畀用家睇番自己個人DNA報告，具備詳盡分析同建議，屈臣氏就推出4款家用檢測套裝，包括健營活力測試、家庭計劃測試、健康風險測試和全面基因測試，每個套裝都有遺傳學或者健康顧問，提供30分鐘免費電話諮詢。Circle DNA基因檢測套裝已喺全港超過240間分店有售，同時網上商店www.watsons.com.hk都買到㗎，如果想再問清楚啲，可以去屈臣氏旗下超過60間駐店藥房查詢。

香港屈臣氏董事總經理張慧屏同黛安分享，Circle DNA係借基因檢測技術，畀大家有一個全面個人化數碼健康評估同建議，等大家都可以更健康咁生活。