三年前，一對香港情侶因機緣下領養了一隻流浪貓Oki回港，這個故事曾在網絡上捲起風潮，貓咪Oki亦成為「網紅喵」。早前，一位香港女生Toby在獨遊日本期間，亦遇上一隻瘦弱無比的流浪貓。後來，Toby於心不忍，並將牠救起及帶離現場，且求救曾經同在日本領養貓咪的香港情侶，並決定不惜一切，將貓咪帶回香港照顧。
事緣發生在6月中，Toby一人前往沖繩那霸旅遊，原本打算在當地只作購物及放鬆心情。有一日，當Toby從小祿站的一所百貨公司離開時，聽到門口花槽有貓叫聲。貓咪身形瘦弱，身上布滿貓蚤﹑眼睛疑似發炎﹑分泌物黏在眼角。據Toby描述︰「其實附近都好多人聽到，但可能大家都唔知點幫佢，所以冇人上前。」，但Toby亦沒有輕舉妄動，在旁觀察了一個小時，但貓咪身旁都沒有其他貓隻，加上花槽附近人來人往，認為就算貓媽媽想回來，亦無法接近。
此時，Toby餵飼貓食物給牠，並將貓咪從花槽裡抱出，當時現場一名高中生更替她尋找獸醫院。儘管語言不通，但仍盡力幫Toby，更願意收留貓咪一晚，待Toby第二日回來接回並安頓貓咪。當時手足無措的Toby想起了Oki領養事件，於是在Facebook聯絡曾在沖繩領養貓咪Oki的Jeffrey和Crystal，了解領養手續。
據悉，現時貓咪將入住醫院居住一個月，以及住兩個月酒店，待Toby回港準備文件。由於貓咪在小祿站被發現，獸醫診所姑娘不想貓咪叫Stray cat （流浪貓），於是暫改名為Oroku。雖然要將Oroku帶回港的手續繁複，而且需要花費龐大醫療費和手續費，但Toby仍堅定不移，並坦言︰「對自己嚟講都係負擔，但錢隨時可以再搵，如果我唔救Oroku，呢幾日落大雨我諗佢都捱唔到好耐。」，據Toby所說， 她有向醫院方面詢問貓咪的情況，Oroku胃口不俗，眼睛有滴眼藥水。更表示︰「希望佢加油快啲好返，打齊針就可以返香港。」
Toby將是次經歷發布到「天下貓貓一樣貓」Facebook群組，網民紛紛留言祝福︰「恭喜Oroku搵到終生嘅貓奴，要快啲康復，早日嚟香港做主子呀」﹑「Oroku係繼Oki後第二隻喺沖繩返香港嘅喵喵，Oki同鄉」﹑「感恩樓主千里之外都將 Oroku帶返嚟比個永遠嘅家佢！」。
圖片及資料來源︰天下貓貓一樣貓@Facebook