《白色強人》強喺邊度？

TVB新劇《白色強人》星期一開播，故事以醫療做主題，用8號風球一宗交通意外做引子，有傷者鐵枝插穿身體，有傷者腦震盪，要做開頭顱手術，把鏡頭帶到醫院急症室。急症室非常繁忙，醫生護士正在治理不同症狀的病人。另一方面，醫委會委任郭晉安推行醫療改革，一大群醫生正在開內務會討論，角色逐個出場，三言兩語迅即交代了人物背景、關係和性格，節奏爽脆，劇情緊湊。

制服誘惑向來有收視保證，加上醫院主景及議事廳等環境逼真，醫生救人場面拍得專業，有睇頭。角色方面，有近期兩大新聞人物︰馬國明飾演仁心仁術的醫生，角色討好外，他在黃心穎劈腿事件中表現高EQ有風度，外界like爆，觀眾捧硬他；唐詩詠無辜遭爆房事件牽連，一地花生，有talking point就有助宣傳。

劇中郭晉安機關算盡，跟演他上司的姜大衞玩權力遊戲，營造張力。他指醫委會開會結果必然是︰未達成共識，議而不決，決而不行。甚有共鳴。

（本欄逢周一、三、五刊登）