曾患怪病體重急跌冇藥醫 石修與妻相愛50年零緋聞

TVB重頭劇《鐵探》，演員陣容非常強大。除咗有金像影后惠英紅，金像獎男配角得主姜皓文外，昨日播出的第6集，更有石修加入。喺劇中飾演警務處處長嘅石修，一出場就霸氣盡現。劇情講到石修去醫院探望中槍嘅袁偉豪，喺走廊位置卻目睹許紹雄同梁競徽發生爭執，經了解後，更將許紹雄調往警察學院。睇到一眾網民拍手叫好，仲話簡直大快人心。

{{hket:inline-image name="23112.jpg"}}{{/hket:inline-image}}

（TVB電視截圖）

{{hket:inline-image name="23123.jpg"}}{{/hket:inline-image}}

（TVB電視截圖）

已經70歲嘅石修，風采依然，唔單止型到不得了，其實佢仲係一位非常專一嘅好男人。石修19歲時認識太太，當時太太只有14歲，兩人至今已相識超過50年，可謂青梅竹馬。而從影多年嘅石修，即使經常與唔同女星合作，亦鮮有緋聞。石修曾指，演藝圈必定有誘惑，加上人係有感情，特別係演戲時，最易向對手投入感情。不過自己好快就可以抽離，加上太太對佢十分信任，所以一直以來都冇緋聞。講到夫妻相處之道，石修就話最緊要有商有量，遇到咩事，都會開心見誠去傾，所以全家人關係都好好。

{{hket:inline-image name="TUNGSTAR5526695.jpg"}}{{/hket:inline-image}}

(Tungstar)

另外，佢亦好感謝太太多年嚟陪佢渡過了不少難關。石修曾一度患上消化系統怪病3年，佢指：「到依家都唔知係咩病，就係個胃忽然失去消化能力，食咩都消化唔到。當時食一條菜，就會原條排出體外。結果喺一個月內，體重由150磅跌至105磅，連行步路都冇力。」患病期間非常徬徨，佢同太太搵過唔少名醫、食咗好多藥都醫唔好。喺兩公婆心灰意冷之際，幸得鄭少秋（秋官）出手相助。石修表示，有日秋官指認識咗一個太極師傅，唔單止介紹咗畀佢，仲百忙之中抽空陪佢一齊去練太極。一個星期後，病情開始好轉，石修全身嘅關節都變暖，食得落嘢之餘，仲漸漸回復消化能力。三個月後，怪病嘅現象更消失了，非常神奇。石修感激太太對佢嘅照顧，又謂係秋官救返自己條命，至今一直視佢為救命恩人。

{{hket:inline-image name="TUNGSTAR438614.jpg"}}{{/hket:inline-image}}

(Tungstar)

林冠傑教授指，其實石修所患嘅怪病，喺中醫角度嚟講叫做「原谷不化」，即是脾胃氣虛，消化唔到。依個病並不罕見，唔少都市人都患有，主要成因係壓力大及緊張。而石修透過太極根治病情，亦並非不科學，皆因太極能夠補氣，放鬆心情，對病情有一定幫助。

{{hket:inline-image name="lam_600.jpg"}}{{/hket:inline-image}}

中大中醫學院及中大中西醫結合醫學研究所客座副教授林冠傑