合照秒變臉 被斥「耍大牌」 袁偉豪：沒資格評論我的人品

TVB重頭劇《鐵探》已經播咗一星期，一班演員演技精湛，加上劇情非常緊湊，成功引起不少回響。上星期五播出嗰集，講到袁偉豪同楊明押運毒品去銷毀途中，被黑仔、林偉及林利截劫，後來各人喺樹林發生爭執，袁偉豪被子彈射中頭部，睇到一班觀眾勁緊張。昨日，袁偉豪就喺社交網站上發起「中槍Challenge」，佢喺片中赤裸上身，手執肥皂，喺浴室重演中槍一幕，仲叫大家一齊玩呢個Challenge。

{{hket:inline-image name="1111211.jpg"}}{{/hket:inline-image}}

（TVB電視截圖）

{{hket:inline-image name="11111.jpg"}}{{/hket:inline-image}}

不過，正所謂「人紅是非多」。有位網民就喺片段下面留言，分享自己偶遇袁偉豪嘅經歷。佢指：「我有一次在一間食店，見到有位女士在一間點心店，找袁偉豪一起合照  。親眼目睹他的眼神表面向人微笑一下，影完即是（時）變了這個臉。扮大明星原來是這樣，何況不是大明星。女士們，如果想同藝人合照，自己小心留意。他們如果紅了 ，應該多謝粉絲的支持才有今天，自己扮大排（牌），對自己沒有一點幫助的。」該網民斥袁偉豪同粉絲合照後變臉，唔係大明星卻扮大牌，並謂應該要對粉絲嘅支持心存感激。

{{hket:inline-image name="56549488_935285716862848_2660037451602460672_n.jpg"}}{{/hket:inline-image}}

袁偉豪見到呢位網民對自己嘅指控後，亦有作出回應，表示合照過後想享受私人時間，自己唔會阻止其他人點睇佢，但指同該名網民互不相，所以佢冇資格評論自己嘅人格，最後更澄清自己只係一位演員，並非大明星。袁偉豪嘅回應獲不少網民讚好，更有網民力撐藝人都有私人空間，肯與粉絲合照已經十分親民。

{{hket:inline-image name="2311111114.jpg"}}{{/hket:inline-image}}