親親動物月 去海洋公園約會海象

黛安向來鍾意小動物，公關姊妹話海洋公園嚟緊會有一個「親親動物月」，包括期間限定全新活動「約會海象」，同其他13款趣味十足嘅動物體驗，仲首次舉行海洋公園獸醫院開放活動等，等大家有機會更深入認識園內海、陸、空動物大使，兼了解動物團隊嘅工作，好有意義！

由今個月19日起至5月1號，海洋公園「親親動物月」就會載譽歸來，黛安最期待係可近距離觀察體型龐大嘅「海中大象」，仲有機會觸摸、餵飼和同佢哋合照留念！另仲有蜜熊、草原鵰等多個「動物萌友互動工作坊」同「幕後探索團」，鍾意小動物嘅朋友絕對唔可以錯過！