蔡思貝（Sisley）緋聞事件加埋仲厚過電話簿，上年同余德丞（Dickson）拍完旅遊節目《緬甸奇幻旅程》開始，一直都以緋聞情侶姿態示人，Dickson上年踢波突然昏迷送院，Sisley更第一時間飛奔到醫院探望，兩個關係更加撲朔迷離。
（余德丞IG）
（余德丞IG）
不過Sisley尋日喺自己IG Post咗同游學修嘅合照，揭發「新戀情」！話說佢同好姊妹賴慰玲去咗睇游學修有份主演嘅《陪著你走》音樂劇，Sisley仲話自己睇到由頭喊到落尾，仲大讚游學修嘅表演真心正！原來二人早喺2018年8月已經有一面之緣，Sisley仲Post咗嗰陣游學修Facebook嘅「表白文」，當時嘅游學修已經好鍾意Sisley，經過見到TVB拍戲忍唔住駐足癡癡咁望住Sisley ,不過當時嘅Sisley並唔認識佢，只係畀咗個禮貌嘅點頭佢。
蔡思貝曬合照(蔡思貝IG)
游學修當年喺自己社交網Post文。
重遇女神，游學修勁怕醜，唔敢直視Sisley，搞到女神留言：「請你望着我雙眼說話。」而佢自己就留言話：「慘，單戀情曝光」
好姊妹賴慰玲都忍唔住喺自己IG笑佢，游學修話留言話：「我都見到兩個我愛的女人。」
賴慰玲即時踢爆佢：「你見到一個啫😏。」
{{hket:inline-image name="123.PNG"}}{{/hket:inline-image}}
（賴慰玲IG）
小編表示非常明白游學修見到自己女神嘅興奮心情，不過兩個公然打情罵俏直頭當所有人冇到！唔知出名係緋聞磁石嘅蔡思貝，今次同游學修又有冇機會發展呢？