粉絲星光大道獻花 懷緬李小龍梅艷芳

闊別3年幾嘅尖沙咀星光大道，噚日終於重開，黛安去過都覺得煥然一新，以木製、綠化、海浪等主題做設計，同維港非常配合，行起上嚟都係一種享受。

而大家嘅偶像李小龍同梅艷芳嘅巨星銅像，依然留喺星光大道，但就多咗流水階梯設計，就好似梅姐嘅《似水流年》一樣，情懷未變。翻新之後，銅像側邊增加咗二維碼，只要用手機掃一掃，就可了解更多巨星簡介，仲可以透過「SnapPop」App嘅AR擴增實境技術同巨星合照！

噚晚李小龍會和芳心薈多位成員，以及梅艷芳紀念電影《拾芳》嘅導演和演員，就特別去李小龍和梅艷芳銅像前獻花，緬懷兩位巨星。