自嘲卸妝嚇死人 張栢芝：我唔洗男人錢

自張栢芝誕下第三胎小王子後，有關其生父傳聞一直未停過，一時傳係新加坡富商，一時傳係周星馳，睇到大家一霧水，而近日小王子的出世紙終於曝光，他跟栢芝姓張，叫張禮承，但父親一項係空白嘅！

雖然有關小王子的身世鬧出很多是非，不過栢芝一於少理，近日仲同星爺一齊接受內地傳媒訪問，栢芝大爆自己床頭一直擺放同星爺嘅合照，搞到星爺都忍唔住話要去佢屋企參觀吓！而栢芝又透露當年為《喜劇之王》試鏡時，星爺的爆笑表演：「一進去他好像賭神，坐在椅上只看見他的背影，他是慢動作的轉過來，我在想要不要那麼裝（扮嘢）？然後他說：『劇本看過了嗎？』我說看過了，然後他說：『劇本你完全不用管！』我心想早知你那一套，我根本沒看。」

而講到戲中經典對白「我養你」，當年令唔少女生為之神往，但原來栢芝唔buy架：「其實我自己比較獨立，不太喜歡男人花錢在我身上養我，因為我覺得要男人的錢，我花得不舒服，我寧可不要。」而當星爺大讚栢芝keep得好，仲好似18歲嗰陣，栢芝竟然話：「我還沒卸妝，卸妝嚇死你！」果然夠晒真性情呀！

{{hket:inline-image name="a.jpg"}}{{/hket:inline-image}}

網上截圖

{{hket:inline-image name="2.jpg"}}{{/hket:inline-image}}

網上截圖