昨日TVB節目《東京血拼攻略》首播，2個港女吳若希、林穎彤帶同台灣旅遊女主持沈韋汝、牟韻潔地氈式尋訪地道潮店潮物。從潮貨買到古董，由市場行到設計展，介紹平靚正筍貨，原本好鍾意去日本的港人應該好有興趣，點知不少觀眾睇完炮轟吳若希行為失禮，甚至力數她3宗罪，紛紛要求TVB把她調走，認真誇張。咁吳若希究竟犯了甚麼錯誤，令到大家如此激動呢？
1. 大聲笑加自high好尷尬
一開始她們先攻陷逾10萬款限量二手名牌特賣秒殺包包，吳若希見到即刻第一時間跑走，狂笑兼大叫：「好靚啊！」，進入瘋狂狀態。至於台灣代表沒有很表面地講感受，相反她們很冷靜地向觀眾介紹哪個專櫃適合大家大手掃貨，比平時便宜多少，細心解釋。直至去到二手精品專賣店，沈韋汝即使見到心愛的牛仔布包款都很有耐性地拿下來，慢慢分析稀有與經典款的分別，教觀眾不要只買羊皮或小牛皮；另一位牟韻潔就則教觀眾從拉鏈磨損程度看包包是否新淨。4人再到新宿百貨尋寶，吳若希一見到林穎彤的的骰骰的背囊馬上尖叫：「好打意！好打意！」，搞到沈韋汝忍不住「殊」她們，提醒她們安靜啲，鬼咁尷尬。兩邊主持似乎太大對比，觀眾都好無奈：「喺人地名牌舖頭嘈喧巴閉，好羞家」、「呢個節目影衰晒啲女人，喺舖到嘈到拆天又手多以為好好笑，乜都話好，乜都好可愛，無內涵無內容，到底個節目有乜意義」
▼香港代表
(TVB電視截圖)
(TVB電視截圖)
(TVB電視截圖)
(TVB電視截圖)
▼台灣代表
(TVB電視截圖)
(TVB電視截圖)
(TVB電視截圖)
2. 無視警告亂咁摸限量名牌
去到二手名牌專門店，吳若希竟然無視2個「Please don't touch」的英文警告標語，直接動手摸價值1500萬日元（100萬港元）的LV與Supreme crossover行李箱，話：「我就冇錢買㗎喇，摸吓都好！」，而現場TVB工作人員見到亦沒有阻止。吳若希即時被觀眾批評失禮港人，有人仲重提其學歷加以嘲笑：「貪慕虛榮嘅本色出晒嚟！」、「中四輟學識英文嘅咩？」等等。
(TVB電視截圖)
(TVB電視截圖)
(TVB電視截圖)
3. 講低級性暗示笑話
最後吳若希與沈韋汝一同去到釣魚茶屋自己釣鮮魚炮製刺身，期間沈韋汝講起自己在台灣很喜歡釣蝦，點知吳若希爆笑玩食字，大玩性暗示，話自己是「釣蝦女皇 Queen of 釣蝦」。因為語言不通，沈韋汝好明顯不明所以，仲反問：「你釣這麼為釣喔？」，吳若希一聽到又再自顧自失控大笑，餘下沈韋汝在旁邊很尷尬。觀眾睇完都鬧吳若希恰人：「我都唔明佢笑乜，人哋講緊正經嘢，佢無啦啦喺到諗衰嘢，搞到低級晒」、「台灣主持講啲資訊性嘅嘢，隔離嗰個係咁喺度笑，講嘢又冇內容」
(TVB電視截圖)
(TVB電視截圖)