難忍火鍋誘惑？3大邪惡食材要慎吃 6大秘技讓你食住瘦！

天氣開始凍，天文台錄得一次又一次低溫，寒流突襲期間，又是親朋戚友圍埋打邊爐烚吓烚吓的季節。不少人對打邊爐又愛又恨，想食得盡興但又怕肥胖，簡直是魚與熊掌：兩難！不過，只要掌握打邊爐6大秘技，其實你也可成為Fit爆的「邊爐達人」！

秘技一：嚴選靚湯底

重口味湯底如沙嗲、麻辣、豬骨及醉雞等，不但鹽分高，而且油分重，就算你選擇最健康的火鍋配料，都會因為吸盡湯底的油分，想唔肥都幾難！想Fit的話其實可選擇番茄湯、蔬菜湯、清湯或芫荽皮蛋湯，減脂之餘更能食出材料的鮮味！

{{hket:inline-image name="f53bc7ba-21d4-48fa-9c13-f98c8f520908.jpg"}}{{/hket:inline-image}}

秘技二：慎食3大邪惡食材

炸豆品如響鈴、生筋、豆卜及炸枝竹等絕不健康，以豆腐皮製成的響鈴，其實1條便有90卡路里，加上勁「索油」，隨便吃2條再加上吸盡湯底的油份，熱量分分勁過1碗飯！至於生筋、豆卜其實都不相白仲，生筋未浸湯前1個都有約100卡路里，等同1.5茶匙油，而豆卜看似細細粒好易食，其實食6粒都已經等於1碗飯的卡路里！

丸（任何丸，包括魚滑、蝦膠及扎肉）、餃（任何餃，包括魚皮餃及雲吞等）及加工肉（芝士腸及午餐肉）都是致肥陷阱。餃和加工肉含大量令膽固醇上升的飽和脂肪，兼有超多鹽、糖及味精！「肥霸界」代表有魚皮餃，1粒已經有45卡路里，1粒貢丸則有40卡路里，等於大半茶匙油；至於近年新寵芝士丸，則有48卡路里，如果打一次邊爐食了6至8粒，隨時等於食了差不多2碗飯！

內臟如膶、腰、骨髓、雞子及粉腸都含高膽固醇，更有機會附帶荷爾蒙、抗生素及重金屬等污染物，多吃對身體無益。

秘技三：食住瘦5大火鍋配料

想打邊爐不致肥，不妨試試以下5大類食材，當中包括鮮魚片、海產、鮮瘦肉片、鮮豆品及鮮蔬菜等，以海產而言，首選必然是蝦、帶子、鮮魷、象拔蚌、蟹，別以為海鮮高膽固醇，其實海鮮所含的飽和脂肪比陸地動物低，大部份更含有益心臟的奧米加3脂肪。至於鮮瘦肉片，則宜選擇金錢𦟌、瘦牛肉片、豬肉片、雞柳及雞下脾肉，而鮮豆品則可選擇豆腐、鮮枝竹、乾枝竹，而新鮮蔬菜則宜選擇鮮菇、瓜及菜。

秘技四：健康食菜是咁食

雖然蔬菜是健康之選，但葉菜面積大，亦特別吸油，所以如果要食得健康，進食可以按次序，首先放菜前先隔油，或打邊爐時最先食菜，而如果有兩格鴛鴦鍋，則不妨一邊淥菜一邊滾肉。

秘技五：自己醬料自己撈

很多熱門醬料都是高鹽、高脂的化身，例如豆板醬、沙爹醬、沙茶醬等，都會令你的食材肥上加肥，容易水腫，所以，還是哪一句：自己醬料自己撈吧！嗜辣的朋友可以新鮮辣椒配搭豉油，或以新鮮蒜頭加芫茜，更能帶出食材的鮮味！

秘技六：高纖澱粉代替烏冬即食麵

想減少吸收脂肪，打邊爐不妨以高纖澱粉如芋頭、蓮藕、粟米等代替加工製的粉絲、烏冬及即食麵，不但營養豐富，纖維更有助減慢脂肪和糖分的吸收；此外， 5粒雞蛋大小的芋頭、1條半粟米或10粒雞蛋大小的蓮藕約等於一碗飯，所以大家仍要注意份量啊！

{{hket:inline-image name="DRWONG.jpg"}}{{/hket:inline-image}}

黃婉茵

營養學家