屯門市廣場賀30歲生日 Dyson風筒吸塵機 $30蚊優惠

唔經唔覺屯門市廣場已經成立咗30年，廣場為慶祝呢個大日子而推出連串活動，其中「$30瘋搶生日賀禮」就有過千件名牌大熱貨品以「激筍價」$30蚊發售，大家只要喺12月8日、9日同25日，喺指定時間到場排隊，就可以買到筍貨。黛安睇過，當中有Dyson Supersonic風筒、Dyson V7 FLUFFY+無綫吸塵機同任天堂Switch遊戲機，當中Dyson風筒同埋吸塵機有30個名額，早啲起身排隊就有機會搶到！

除咗「$30瘋搶生日賀禮」外，由12月1日起仲有「#tmtplaza30有緣人」活動，大家身份證上嘅英文姓名、生日日期同身份證號碼只要包含「tmtplaza30」其中8個不同字母同數字，就可以獲得Apple Watch Series 4或Le Creuset圓形琺瑯鑄鐵鍋，名額有限，手快有手慢無！仲有好多活動詳情，大家可以睇實屯門市廣場嘅fb喇！