新地10大商場 中秋國慶人流銷情大旺

最近假期浪接浪，放完中秋又到國慶，黛安shopping時都發現好多人行商場血拼！黛安知道，新鴻基地產旗下十大商場，包括東港城、上水廣場同埋Mikiki等喺中秋至國慶期間，即係9月24日至10月1日，呢8日已吸引咗848萬人流，較舊年升17%，營業額有5.1億，較舊年升21%，銷情真係好勁！

另外，新鴻基地產代理租務部總經理鍾秀蓮話，新地十大商場喺暑假期間推出咗好多推廣活動，加上中秋至國慶銷情勁升，所以第三季整體業績理想，人流同埋營業額分別升17%同19%。