至樂樓350件罕有中國書畫 捐贈香港藝術館

另外一個好消息係今個星期四，香港藝術館獲至樂樓捐贈超過350件極珍貴嘅中國書畫藏品。呢批作品由係已故慈善家同鑑藏家何耀光先生嘅私人收藏，香港藝術館總館長譚美兒（Eve）話，今次捐贈嘅繪畫同書法名迹橫跨宋代至二十世紀。據講價值35億港元！黛安就好想知點解咁珍貴，原來呢批書畫中有部分係由明末清初一班中國知識分子創作，因不屑滿清政府，惟有寄情書畫，亦因為作品跟過去主流的清宮珍藏不同，這批明朝遺民作品正好填補了時代的不足，故極具歷史價值。

Eve話，作品涵蓋各個流派書畫，反映唔同時代、地區嘅藝術特色，好似明四家、松江畫派、清初四王同揚州八怪，當中以講求氣節同清高抱負嘅明遺民書畫最負盛名。Eve仲介紹香港藝術館（至樂樓）館長鄧慶燊畀黛安認識，仲有香港藝術館（虛白齋中國書畫）館長司徒元傑，佢就係一手促成「清明上河圖」來港展覽嘅幕後功臣。

捐贈儀式會係禮賓府舉行，何耀光之子、至樂樓主席何世柱都會出席，香港藝術館館仲會介紹幾幅作品，畀傳媒欣賞。