麥當勞推蠻牛辣漢堡 用App點餐有優惠

世界杯賽事愈來愈緊湊，嚟緊明晚深夜仲有阿根廷對克羅地亞，球王美斯又會再出場啦！黛安就知道，麥當勞會係今個星期四起，推出「蠻牛辣漢堡」，用App買仲有優惠，啱晒一面食一面睇美斯點扭轉局勢。

公關姊妹話，「蠻牛辣漢堡」造型非常吸睛，以足球圓麵包夾住四塊軟嫩多汁嘅辣味牛肉餅，再加上車打芝士、香煎洋蔥條同爽口生菜，配搭帶有紅椒粒嘅西班牙風味辣醬，口感十足，仲可以揀配「脆薯皇」或中薯條。由星期四（21號）至下星期三（27號），用麥當勞App買「蠻牛辣漢堡」套餐，即可以減$3，仲可以用$10買「大大杯海鹽鮮檸梳打」！

睇波又點少得小食呢，麥當勞新推嘅「球迷珍寶桶」、「脆薯皇」、「香芋批」同「脆味分享盒」就啱晒啦，姐妹仲話，只要用麥當勞App嘅麥麥送點餐服務，買$228嘅「球迷分享餐」，就可以免費獲贈6件麥樂雞！好抵食啊！記得優惠係由朝早11點至凌晨12點可以用啊。黛安決定叫外賣，同班好姊妹一齊食住睇波！