沙田「Movie Town」開業 攬一攬4折買飛

聽沙田嘅姊妹講，等咗多年，終於等到新城市廣場新戲院「Movie Town」今日正式開業啦！黛安知道，為慶祝新開幕，只要買飛時即場同朋友攬一攬，就可用4折買2D正價票；而隨票送限量收藏優惠卡，喺戲院買正價票可有8折優惠，而買嘢食則享7折優惠，另外喺商場60個商户都用到呢張優惠卡㗎，但以上優惠只限4日咋。

姊妹話，呢到仲有獨家嘅Onyx 455吋LED銀幕戲院，正價飛喺125蚊，但睇早場同午夜場就只係75蚊。而喺6至8月期間，每逢有新戲上映當日，都會送限定版電影紀念票。

睇戲就梗係要有啲零食啦，令人期待嘅北京填鴨捲餅或芝士撻都唔使40蚊，而飲品最平就係16蚊，食品最平就係28蚊。黛安仲知道，今日下午兩點十五分，7間影院將同時上映《侏羅紀世界︰迷失國度》，大家快啲去買飛啦。