去利東街做環保文青 回收玻璃整靚燈

黛安閒時都鍾意做下手作仔，既紓壓又有成功感。最近公關姐妹話畀黛安知，原來即日開始到星期日（6日），利東街會化身花天花地花世界，除咗田園花飾布置，仲有綠色花藝製作同環保工作坊畀大家一齊玩；而且到時幫襯下由匡智會學員親手製作嘅櫻花曲奇、同乾花束等靚靚小物，更可以做善事，意義非凡。

講到手作活動，黛安就睇中咗星期日舉辦嘅玻璃升級再造工作坊，用七彩碎玻璃切成的馬賽克燈夠晒bling bling。同場仲可以整木杯墊、有機花香蚊怕水等實用小物，玩完行街shopping滿500蚊，仲可換不鏽鋼環保飲管套裝，實行將環保進行到底。