Green Little收集二手童裝 宣揚環保好習慣

黛安平時都會將啲唔要但又新淨嘅嘢捐出去，做善事之餘又環保！嚟緊禮拜六，聖雅各福群會轄下嘅環保社企Green Little會喺嚟緊周六（14號）下晝2點半至5點半，喺灣仔太源街22號地舖發起「收集優質二手春夏季童裝」活動，透過活動等家長同小朋友，一齊揀啲新淨又唔啱身嘅二手春夏季童裝拎出嚟寄賣。

活動主要收集3年內嘅春夏季童裝，童裝呎碼限喺80至140cm，對象係約2至9歲嘅小朋友，除咗衫，九成嘅新鞋、袋、圍巾同帽都可以捐，但就唔接受校服、頭飾同埋玩具，想了解多啲詳情可以瀏覽Green Little嘅Facebook專頁「sjsgreenlittle」。黛安知道，今次活動仲會起用4至12歲嘅小義工，協助運作童裝收集攤位同埋向公眾分享環保信息，實行由佢哋細個就開始培養呢個環保好習慣。各位家長，快啲同你哋嘅小朋友一齊執下衣櫃，參加呢個咁有意義嘅活動啦！