東瀛遊尊貴鐵道遊 體驗和式待客之道

去日本旅行，除跑景點之外，有無諗過嚟一次鐵道豪華遊？黛安知道，EGL東瀛遊日前成為咗香港區指定經銷商，正式同「TRAIN SUITE四季島」尊貴列車合作，推出尊貴列車5日遊，喺今年7月20日出發。

呢架尊貴列車喺舊年春天啟程，有10個車廂，當中包括擁有2間高級奢華嘅複式設計Shikishima套房同埋Deluxe套房嘅車廂、有15間客套房嘅5節車廂同埋觀景車廂，仲有消閒休息交流室同餐廳！

東瀛遊執行董事禢國全除咗帶大家體驗車上嘅豪華設施同住宿，仲精心挑選咗好多關東嘅特色景點，並會安排入住首次獲特許以團體入住嘅東京星野虹夕若雅酒店、同埋五星級東京半島酒店，親身體驗和式待客之道。旅程由$96,888至$118,888不等，包括四季島奢華套房、豪華套房同套房。黛安聽完都想即刻上車歎番下！