太古中國暑期實習 大學生累積實戰經驗

政府早前宣布會同多間大企業合作推出「企業內地與海外暑期實習先導計劃」，黛安知道，太古集團旗下嘅5間公司，包括國泰航空、香港飛機工程公司、太古飲料、太古食品同埋太古地產，將會喺今年6月起，分別喺北京、成都、重慶、廣州、上海同埋廈門，提供22個實習機會，為期6至8個禮拜不等，所有喺香港或海外大學讀2年級或以上嘅全日制本科生或者研究生，同埋有香港永久性居民身份證都可以申請實習計劃，現在開始申請喇，截止日期係4月3號，如果想申請，可瀏覽呢個網址︰http://www.swire.com。

太古（中國）有限公司主席朱國樑就話，集團可以因應學生嘅職業抱負同埋興趣，分配去適合嘅實習公司，等實習生累積實際工作經驗既同時，加強對內地嘅認識。可惜黛安已唔再係學生，如果唔係一定會積極參與呢個咁好嘅實習機會！