帆船教室「乘風航」 周日免費開放

被喻為青年人海上教室嘅「乘風航」（Adventure-Ship），唔經唔覺已經服務咗市民40年，每年都會透過設計海上歷奇訓練活動，為大約1萬位年輕人搵到自我價值。

「乘風航」喺06年建成新嘅仿古中式訓練帆船「賽馬會歡號」，接替同年退役嘅「歡號」，黛安聽講呢艘帆船添置咗新嘅器材同設備！

呢個海上教室將會喺本周日（1月14日）上晝10點30分到下晝4點30分舉行「40周年開放日」，屆時「賽馬會歡號」會停泊喺尖沙咀1號公眾碼頭，市民除咗可以上船欣賞佢嘅內部設計同結構之外，仲可以去現場玩攤位遊戲同欣賞文娛表演𠻹，黛安都要去開下眼界先！