森美圓夢 帶團玩轉日本德島

每個人細個嗰陣總有「我的志願」，近期人氣急升嘅森美亦唔例外，原來佢細個嘅志願係做導遊，黛安都估佢唔到呀！森美噚日好開心，因為佢終於可一圓兒時夢想，化身做星級導遊帶EGL東瀛遊的團友玩轉日本德島。

EGL東瀛遊噚日正式宣布同森美合作，喺明年首季推出特別星級限定團《星級導遊森美遊德島4天之旅》，森美更獲東瀛遊主席兼執行董事袁文英委任為星級導遊，將會喺明年2月1日帶領特別星級團，啟程往德島四國深度遊。

森美話，今次有幸獲東瀛遊邀請成為星級導遊，當然一口答應，「今次東瀛遊聯乘國泰航空，推出獨家直航德島航綫，就等我為團友找尋最特別、有趣的景點，等團友一嘗互動式旅遊的樂趣。」黛安聽到都想一齊join呀！