中大校友 齊齊逼校巴做善事

返工、放工逼巴士相信大家都試過，逼校巴又試過未？今個星期六就係中大一年一度嘅「中大校友日」，今年就第一次搞「逼巴士大挑戰活動」，邀請各位校友參加，一齊幫「香港中文大學校友傳承基金」籌款！

每年嘅中大校友日都係年度盛事，今次想同大家一齊重溫中大人逼校巴嘅回憶；黛安讀書嘅時候，都曾經去過中大坐巴士上山搵朋友，的確令人懷念。公關姐妹仲話，每位成功登上校巴嘅參加者，都會獲校友捐款人捐出$500，愈多人參加，就可以籌愈多款，繼續支持「香港中文大學校友傳承基金」，預計可以籌得15萬元！

除咗逼校巴活動，當日仲會有大型嘉年華會、開篷巴士遊校園、校園主題參觀等，節目非常精彩。唔知即將退任嘅校長祖堯BB到時會唔會一齊逼校巴呢？