世界夢號LEGO船 破健力士世界紀錄

香港又有一項健力士世界紀錄誕生！星夢郵輪為紀念「世界夢號」即將抵港成為第一艘喺香港命名嘅郵輪，搵咗過千位乘客、市民、樂高®專業認證大師洪子健同埋佢嘅團隊，攜手砌出「世界夢號」巨型船模，打破全球最大樂高®模型船世界紀錄！

呢架模型船係根據1︰40比例打造，用咗超過250萬件積木砌成，黛安都睇到嘩嘩聲！模型船19日起喺啟德郵輪碼頭2樓候船大堂B開放參觀，大家都可以去一睹佢嘅風采。