AEON 30周年購物日 會員專享8折優惠

周末開始轉涼，換季又係時候啦。黛安一早mark實喺明日（17日）開始嘅AEON 30周年會員購物日，只要拎住張會員卡，係全港AEON分店不論買零食、衫、玩具、家品定電器都有優惠，最少有8折！錯過今次就要再等半年，所以千祈咪錯過呀。

睇番有乜抵買先，氣溫下降，梗係要買定啲羽絨、暖風機同棉被啦。AEON公關姐妹就推介黛安買TOPVALU旗下女裝羽絨外套，全個系列都有8折，最平249蚊就保證享受暖冬；加埋張AEON獨家發售，原價998蚊、現減至390蚊嘅Turbo Italy單人電暖氈。想落咗床都咁溫暖，可以考慮入埋origo陶瓷暖風機同Turbo Italy遙控暖風機，兩部夾埋都唔使900蚊，到時廳房都咁暖啦。

鍾意煮嘢食嘅朋友，一樣有福氣啦。依家290蚊就買到個太平洋電磁爐，用多329蚊仲可配埋原價1,160蚊嘅意美廚石易潔廚具，有齊煎鍋同深炒鑊，日日煮番幾味小菜，隆冬中都keep住窩心暖意。想氹下家中男士同小朋友，AEON嘅電視、電腦同星球大戰等玩具都有折，買隻X-WING星際戰鬥機都只需159蚊，留番來做聖誕禮物都抵吖。