帶住Canon遊日本 伍家謙行足6日影美景

前體育記者伍家謙除咗識講波之外，亦都喜歡做運動挑戰自己。之前佢就同Canon合作，上個月30號出發去日本，挑戰一連6日步行40小時，佢就話過程雖然辛苦，但令佢可以用另一個視覺睇呢個世界，非常難得。

伍家謙今次就由東京橫濱出發，一路沿鎌倉、大磯、箱根、御殿場、山中湖行到終點富士山下嘅河口湖，全程行足40小時16分鐘，路程長達100.18公里，認真厲害！

傾開先知佢好少喺香港行山，佢話第一日行完8個鐘，對腳已經好似唔係自己咁，但通過行路，發現好多以前自駕遊或者坐車睇唔到嘅風景。今次佢仲帶上Canon EOS 6D Mark II全片幅數碼單鏡反光相機沿路影咗唔少靚相，影到另一番景致。