《晴報》Banking & Finance Awards 2017 表揚業界創新 得獎結果出爐

黛安以前去銀行過數要大排長龍，依家用手機Apps簡單撳幾個掣就搞掂，方便好多。今年《晴報》連續第2年主辦「Banking & Finance Awards 2017」，表揚香港各大銀行和金融機構積極創新，為市民提供與時並進嘅服務。

有好嘢梗係要同大家開心share，《晴報》一直都有連載多個受歡迎嘅財經專欄，又同各大銀行和金融機構，合辦投資和理財主題大型講座、投資理財教育活動等。上個月初，仲專訪咗香港主要嘅銀行同金融機構，出版咗12期嘅「創富．香港突圍之路」系列，同大家分享業界嘅創富智慧。

上個月底，喺香港經濟日報集團全力支持下，《晴報》再次舉辦「Banking & Finance Awards 2017」，設有4大獎項類別，包括「銀行及金融機構服務」、「信用卡產品」、「基金及強積金服務」和「保險服務」，由人稱「石Sir」嘅《香港經濟日報》副社長兼研究部主管石鏡泉、《晴報》總編輯潘少權及香港會計師公會會長陳美寶等8位專業評審評分，仲展開公眾網上投票和畀參加者拉票。今年嘅候選名單就有40至50間銀行及金融機構，公信力十足！

而結果就已正式出爐，其中，香港滙豐獲得傑出財富管理銀行大獎、傑出中小企夥伴銀行大獎就由恒生銀行奪得、中國銀行（香港）亦獲得傑出一帶一路銀行服務大獎。頒獎典禮會喺下個月假香港JW萬豪酒店舉行，屆時雲集各大金融界精英，嘉賓仲好有分量！