鴨脷洲德發

踏入2017，生活起變化，一向不熟悉的南區慢慢淡入自己的生活。

生活四大元素之衣食住行，至上心、至能維繫生活情趣莫過於「食」。鴨脷洲至貼心無別項可超越，當然海鮮巿場。這裏找到船家捕獲野生魚蝦不是難事，驚喜頗頗。

同伴邀請同事周末到巿場二樓熟食巿場午飯餐敘，找好位子，再到巿場採購海產……九節蝦未必大隻，殼至硬淨肉最爽甜；奄仔蟹雖然大小不一，正正道出野生捕獲難料齊齊整整Size的喜悅。經過相熟魚檔，靚姐話：「今日有大大尾靚靚金邊方鯏，第二個$450，鄧生你呢就$380蚊啦！」

年初靚姐賣過一尾連名字都未曾聽過的大魚給我，$450成交後才被其家人發現此乃自己船捕得，本應一家人圍桌晚飯餸菜，誰知神推鬼擁變了「珠記」為我們16人炮製、令人無不動容的桌上鮮。她的話，怎敢不信？

「珠記」獨孤晚上營業；白天，原來是「德發」。靚女華姐告知他們在白天營業，由他們主持的午餐，另見一番風味。九節蝦白焯味道甜得不能；金邊方鯏蒸得火候恰到好處，綿滑嚼勁不凡；至佩服還是大小奄仔蟹共以鹽焗於一鑊，還有香噴噴薑蔥，惹味得不得了！真好，晚上「珠記」珍姐，白天「德發」華姐，至實惠的人生之「食」安排在南區，掂晒！

（本欄逢周三至五刊登）