茶渣齊「從涼」 鴻福堂推精緻手工皂

住喺城市裏面，份外嚮往自然。黛安平時都會做下手工皂，貪佢可減壓又夠天然。呢排撞到鴻福堂集團總經理兼執行董事司徒永富（Ricky），傾開先知原來鴻福堂同出名搞鬼的「從涼研究所」合作，將煮涼茶後用剩的茶渣變成「手工皂」，仲有四款咁多！包括可以紓緩濕疹的杏仁露皂、保濕的火麻仁皂、抗菌止痕的夏枯草皂，同祛黃美白的雞骨草皂。

原來每塊手工皂都用上靚油，包括意大利手工初榨橄欖油製成，成個皂化同熟成過程用足28日，一啲都唔馬虎。想keep住靚靚，靚女呢個冬天記得去PMQ幫襯從涼研究所期間限定店，營業至11月12日咋。