跟住Golden玩轉IKEA荃灣新店

fb最近掀起一股「尋狗熱」，主角其實係荃灣IKEA新店嘅金毛尋回犬公仔Gosig Golden。呢段特別為新店開幕而拍嘅短片，拍得好有誠意兼別出心裁，聽公關姐妹講，新店開幕時，Golden仲開Live帶網民睇瑞典傳統嘅「鋸木」儀式，寓意可以為訪客和家居帶來好運！

IKEA闊別荃灣區近10年，今次開新店樓面面積有9萬呎，4層高，產品超過7,000件，仲有獨家發售嘅KNALLA和FORENKLA系列產品，仲有IKEA同丹麥設計品牌HAY聯乘嘅YPPERLIG系列。

另外，荃灣店一樣有齊公屋、居屋和私樓不同單位間隔嘅室內設計。Golden終於搵番屋企，唔知你又搵到你嘅心水產品未呢？