《魔海奇緣》主題區 明年登陸迪士尼

就快有得玩啦！黛安講緊嘅係香港迪士尼探險世界，最新以電影《魔海奇緣》做主題嘅舞台表演，明年正式開幕，屆時大家可以同慕安娜（Moana）見面。

迪士尼斥資逾100億元嘅擴建計劃，由明年起至2023年，差不多每年都有新項目落成，好似有全新嘅《魔海奇緣》主題表演、全球唯一嘅《魔雪奇緣》主題區和全新嘅Marvel超級英雄設施等。

香港迪士尼樂園度假區行政總裁劉永基（Samuel）和華特迪士尼幻想工程（亞洲）總經理及區域執行主管貝皓德，早前就同米奇一齊去到工地奠基。Samuel就話，好開心可以將迪士尼旗下最強嘅品牌Marvel同《魔雪奇緣》引入香港，希望可以帶畀大家全新嘅娛樂體驗，同時進一步提升香港迪士尼嘅競爭力。黛安就十分期待啦！