PMQ三年訪客逾千萬 設計師︰Made in Central最吃香

前身為中區荷里活道已婚警察宿舍、經活化後成為創意中心嘅元創方（PMQ），自2014年開幕至今，累積參觀人次已有約1,124萬，現時PMQ內本地設計師比例更為百分百。好多人都知「Made in Hong Kong」受歡迎，原來「Made in Central」更吃香呀！

PMQ總幹事曾昭學（Victor）噚日聯同佢哋嘅創作及項目總監陶威廉（William），以及3位由開幕至今已紮根PMQ嘅本地設計師，相約黛安同一班傳媒茶敘。Victor話PMQ內嘅本地設計作品好有水準，曾經有日本女遊客，坐即日來回飛機到PMQ掃貨，所買嘅就係本地時裝設計師Chailie Ho嘅作品。Chailie話進駐PMQ後自己嘅品牌更多人認識，現時生意多咗，但仍堅持以「前店後Studio」嘅模式經營，「客人可親眼見到生產設計嘅地方，件作品係真正Made in Central，好特別亦更多人鍾意。」