康怡Aeon學藝 跟美女廚神整月餅

中秋要做節，唔識煮番幾味邊度得呀？想臨急抱佛腳，黛安建議你今個星期六（9月30號）下晝可以去康怡AEON STYLE東門入口，皆因美女廚神麥潔兒（Kit Mak）會即場開班，喺2點到3點教大家揀五仁、整番個健康五仁黑毛豬月餅。聽唔切仲可拎番本食譜返屋企慢慢學，整好放上網吸like一定爆。

除咗月餅，Kit整意大利菜都好耍家，果然係識「食」兼識煮之人。黛安就諗住星期六早啲去霸位，捉住Kit學番兩度拿手小菜。各位姊妹，想學廚記住要喺AEON STYLE一次過買夠$500月餅，再憑單換番張VIP入場券；今次開班「收生」30人咋，想學就要快啦﹗