莊偉茵辦名人講座 曾智華講退休心得

國泰前PR一姐莊偉茵（Quince），依家除咗係中電企業發展總裁，仲係香港潮商會婦女委員會主任。聽講Quince服務婦委會不遺餘力，最近終於都有機會見識下喇！上星期六黛安去咗佢安排嘅名人講座學下嘢，講座率先邀請咗香港電台前節目發展總監曾智華（Luke Sir），暢談退休同理財心得。

其實Quince邀請Luke Sir原意係希望佢同一眾姊妹分享下，點樣為生活提升正能量，但Luke Sir似乎搞錯咗對象，猛向各位老公忠告對住老婆唔好講道理，只講愛同包容，咁快樂就好容易！又話氹老婆開心，屋企一定無災難，在場姊妹都聽到笑唔停！Quince就話好多謝曾智華同姊妹們分享心得，令分享會充滿活力，大家都獲益良多。